Lənkəranda mədəniyyətin səyyar brigadaları növbəti təlim keçiriblər -
Lənkəranda mədəniyyətin səyyar brigadaları növbəti təlim keçiriblər

Azərbaycan Respublikası Mədəniyyət Nazirliyinin Mədəniyyət üzrə Elmi-Metodiki və İxtisasartırma Mərkəzi Bakı şəhər Mədəniyyət Baş İdarəsinin nəzdində fəaliyyət göstərən Mədəniyyət evlərinin rəhbərlərinin iştirakı ilə növbəti regional təlimlər təşkil olunur.
Təlimlərin qısa müddətdə daha da səmərəli şəkildə keçirilməsini təmin etmək məqsədi ilə, Elmi-Metodiki və İxtisasartırma Mərkəzi və Bakı şəhər Mədəniyyət Baş İdarəsi oktyabr-dekabr aylarında mədəniyyətin səyyar briqadalarından istifadə etmək qənaətinə gəlmişdir.
Cari ilin 31 oktyabr – 1 noyabr tarixlərində, Lənkəran şəhərində Mədəniyyət üzrə Elmi-Metodiki və İxtisasartırma Mərkəzinin, Bakı şəhər Mədəniyyət Baş İdarəsinin və Lənkəran Regional Mədəniyyət İdarəsinin birgə təşkilatçılığı ilə mədəniyyətin səyyar briqadaları silsilənin növbəti qısamüddətli təlim keçirilib. Mədəniyyət Məkəzində, Mərkəzinin direktoru Xafiz Mirzənin iştirakı ilə keçirilmiş təlim Lənkəran rayonun Mədəniyyət evlərində çalışan əməkdaşlar üçün təşkil olunub.
Səyyar briqadalar mədəniyyət siyasətinin həyata keçirilməsini daha aktiv, mobil və əlverişli şəkildə təmin etmək məqsədilə təşkil edilib. Təlimlərdə əsasən tətbiqi biliklərə üstünlük verməklə birlikdə kreativ yanaşmalar tətbiq olunub.
Mərkəzin elmi katibi Cavid Əliyev “Mədəniyyət evlərinin sosial statusu: problemlər və müasir tendensiyalar”, əməkdaşları Elnarə Hacıyeva “Mədəniyyət müəssisələrində pullu xidmətlərin təşkili: xüsusiyyətlər və problemlər”, Elnur Hacıbabayev “Yeni formatlı tədbirlərin təşkili: xüsusiyyətləri və qaydaları”, Nadir Məmmədov “Klub işinin təşkili”, İrina Özçoban “Mədəniyyət müəssisələrinin fəaliyyətinin təbliği əsasları”, Bakı şəhər 8 Mart adına Mədəniyyət Evinin direktoru Rüfət Məmmədov “Mədəniyyət evlərinin fəaliyyətinin təşkili: xüsusiyyətləri və qaydaları”, Bakı şəhər H.Abbasov adına Mədəniyyət Evinin direktoru Tofiq Dadaşov “Mədəniyyət evlərinə gənclərin cəlb olunması formaları” mövzularda təlimlər təqdim ediblər.
Çıxış edənlər Mədəniyyət evlərində dərnəklərin yeni tədris modullar əsasında keçirilməsindən, ödənişli xidmətlərdən, marketing və menecmentdən, onlayn təbliğatdan bəhs ediblər. Mədəniyyət Mərkəzinin direktoru X. Mirzə çıxış edərək, Lənkəran rayon Mədəniyyət evlərinin gördüyu işlərdən və gələcək planlardan danışdı.
Daha sonra təlim dinləyiciləri və iştirakçılar arasında mövzu ətrafında fikir mübadiləsi aparılıb.
Qeyd edək ki, növbəti təlimin ünvanı Sabirabad rayonu olacaq. Bu günə qədər Lənkəran, Şamaxı, Bakı, Gəncə, Gədəbəy şəhərlərində müxtəlif ixtisasartırma kursları uğurla həyata keçirilib.

 

 
Heydər Əliyev
Yüksək mədəniyyətə malik olan xalq həmişə irəli gedəcək, həmişə yaşayacaq, həmişə inkişaf edəcəkdir.
Heydər Əliyev
Heydər Əliyev
Gənc Mədəniyyət Işçilərinin Koordinasiya Kreativ Qrupu sosial şəbəkələrdə